Cebu City -- Isang araw bago ang Pasko ay opisyal na inilabas ang report sa naturang pagbigay ng 5 Million pesos na ayuda sa maswerteng senior citizens sa Cebu City. Ayon sa Department of Social Welfare and Development sa Central Visayas (DSWD-7) ay masusi at mahigpit na "screening" at validation ang ginawa bago isinagawa ang pagbigay ng ayuda.

Ang payout ay pinasimulan ng City Social Welfare Development Office (CSWDO) ng lokal na pamahalaan ng Danao matapos ang proseso ng pagpili at pagpapatunay na isinagawa ng ahensya ng social welfare.

Bukod sa pagiging hindi bababa sa 60 taong gulang, ang mga benepisyaryo ng DSWD Social Pension Program para sa Indigent Senior Citizens (SPISC), ay kailangang isang mamamayang Pilipino at residente ng Pilipinas nang hindi bababa sa anim na buwan, walang permanenteng pinagkukunan ng kita, walang regular na suporta mula sa pamilya o kamag-anak, at hindi tumatanggap ng pensyon mula sa Social Security System (SSS), Government Service Insurance System (GSIS), Philippine Veterans Affairs Office (PVAO), Armed Forces and Police Mutual Benefit Association, Inc., o anumang insurance company.